АҚШ Молия вазирлиги Магнитский қонунига кўра, Чеченистоннинг «Терек» махсус бўлинмасини ва беш нафар Россия фуқаросини санкциялар рўйхатига қўшиб қўйди, деб хабар беради TJournal.
Рўйхатдан махсус бўлинма қўмондони Абузайд Висмурадов, шунингдек, Руслан Геремеев, Геннадий Карлов, Сергей Коссиев ва Елена Трукуля ўрин олган. 2012 йилда қабул қилинган Магнитский қонунига кўра, АҚШ инсон ҳуқуқларининг бузилиши ва коррупцияга алоқадор хориж фуқаролари ва ташкилотларига нисбатан санкция қўллайди.
2013 йилнинг 12 апрелида АҚШда Магницкий рўйхати эълон қилинган бўлиб, ундан 18 нафар одам ўрин олган. Уларнинг аксарияти Hermitage Capital юристи Сергей Магнитскийнинг ўлимига алоқадор деб топилган.
Изоҳ (0)