Ҳукуматнинг 8 майдаги қарори билан оммавий ижрога мўлжалланган драматик, мусиқали ва мусиқали-драматик асарлар яратганлиги учун муаллифлик ҳақини тўлаш тартиби тўғрисидаги низом тасдиқланди. Бу ҳақда Norma хабар берди.
Низомга мувофиқ, муаллифлик ҳақи Драматик ва мусиқий асарларни танлаш ва харид қилиш бўйича ишчи гуруҳнинг хулосасига кўра, маданият вазирининг буйруғига асосан тўланади. Ҳужжатда унинг асосий вазифалари, ҳуқуқ ва мажбуриятлари белгиланган.
Ишчи гуруҳ асар тақдим этилган кундан бошлаб 5 иш куни ичида унинг белгиланган талаб ва мезонларга мувофиқлигини текширади, 20 кун ичида асарни кўриб чиқади ва қийматини баҳолайди. Ҳар чоракда камида бир маротаба хулоса тайёрлайди ва унинг баҳосини белгилайди.
Маданият вазирлиги 10 кун ичида ишчи гуруҳ хулосаси асосида муаллифлик ҳақини тўлаш тўғрисида буйруқ чиқаради.
Муаллифлик ҳақи тўланган асарлар 6–12 ой давомида давлат театрлари ва концерт-томоша муассасаларида саҳналаштирилиши ҳамда ижро этилиши шарт.
Изоҳ (0)