Фарғона вилояти божхона бошқармасининг Контрабанда ва божхона қонунчилиги бузилишига қарши курашиш бўлими ходимлари томонидан Қувасой шаҳри чегара олди ҳудудида ўтказилган тезкор тадбир давомида қонунбузар автомашинада қочишга уринди. Бу ҳақда «Дарё»га Божхона қўмитаси ахборот хизмати маълум қилди.
Фуқаро Ж.Н бошқарувидаги «ДонгФенг» русумли автомобиль «Найман—Тошлоқ» йўналишида ҳаракатланиш чоғида чегара ҳудудида тўхтатилган, аммо ҳайдовчи машинада қочишга уринган.
«Айланма йўлларда автомашина носоз ҳолга келгандан сўнг эса тўхташга мажбур бўлган. Автомашина холислар иштирокида кўздан кечирилганида, унинг юкхонасида муқаддам қўшни республикадан ноқонуний равишда олиб келинган, хорижда ишлаб чиқарилган, тегишли ҳужжатлари бўлмаган, умумий қиймати 45 миллион сўмлик жами 15 минг дона 100 ваттли электр лампочкалари борлиги аниқланди», — дейилади хабарда.
Ҳозирда ушбу ҳолат юзасидан божхона текшируви давом эттирилмоқда.
Изоҳ (0)