АҚШнинг Теннесси штатида икки нафар 6-синф ўқувчиси мактабда қотиллик содир этишни режалаштиришда айбланди ва ҳибсга олинди, деб хабар берди Forum Daily.
Камберленд округидаги мактаб ва ҳуқуқ-тартибот органлари вакилларининг маълум қилишича, оммавий отишма содир этмоқчи бўлган икки нафар ўқувчи қурол олиб келиб, уни ўқув йилининг охирги кунигача кийим алмаштириш хонасига яшириб қўйишни режалаштирган.
Мактаб ходимларидан бири «қурбонлар рўйхати» ҳақида миш-мишлар эшитганидан сўнг тинтив ишлари бошланган.
Суриштирув давомида терговчилар қўлда чизилган харита топган. Болаларнинг уйи тинтув қилинганда ҳеч қандай қурол чиқмаган.
«Бизнинг энг муҳим вазифамиз ўқувчилар ва мактаб ходимлари хавфсизлигини таъминлаш, — деган мактаб директори Жанет Грэм. — Текширув ишлари давомида ўқувчиларга ҳам, ходимларга ҳам ҳеч қандай бевосита хавф йўқлиги аниқланган».
Ёши туфайли шахси ошкор этилмаган ўқувчилар 24 апрель куни қўлга олинган ва вояга етмаганлар иши бўйича суд эшитувига қадар округ тергов изоляторида сақланган.
Изоҳ (0)