Қорақалпоғистонлик марҳум журналист Фурқат Юсуповга «Олтин қалам» мукофоти берилади. Бу ҳақда унинг укаси Искандар Юсупов маълум қилди.
«Акам шиддат билан ривожланаётган бугунги даврда ОАВнинг роли ва хизмати жуда катта эканлигини, интернет журналистикаси соҳасида тезкорликни кучайтириш, устувор мавзулар устида изланиши кераклигини кўп айтарди. Афсус, мақсади сари озгина юриб улгурди, холос. Бугун унинг меҳнатлари баҳоланиб, ўзи орзу қилган мукофот совриндори бўлганидан ниҳоятда ҳурсандман», — дейилади «KRuz.uz» сайтида эълон қилинган матнда.
Искандар Юсупов «Олтин қалам» миллий мукофоти учун Ўзбекистон журналистлар ижодий уюшмасига Юсуповлар оиласи номидан миннадорлик билдирган.
Изоҳ (0)