27 апрель куни Тошкент шаҳрининг Юнусобод тумани 2-даҳасида жойлашган автомашиналарни ювиш шохобчасида ўғирлик ҳолати юз берди. Бу ҳақда ИИВ матбуот хизмати хабар бермоқда.
Шохобча ишчиси Д.Б. бу ерга мижоз сифатида келган Ф.Х.нинг Cobalt русумли автомашинаси юкхонасидан 2 850 АҚШ долларини ўғирлаган.
Кўрилган чоралар натижасида Д.Б. қўлга олинган. Ҳолат юзасидан жиноят иши қўзғатилиб, тергов ҳаракатлари олиб борилмоқда.
Изоҳ (0)