Наманган шаҳрида вилоят эндокринология диспансерининг 160 ўринли янги биноси фойдаланишга топширилди. Бу ҳақда «Дарё»га вилоят ҳокимлиги ахборот хизмати маълум қилди.
Қарийб 15 миллиард сўм эвазига «Файзиобод само сервис» МЧЖ томонидан қуриб битказилган мазкур диспансерда эндокрин касалликларни профилактика, диагностика қилиш ҳамда замонавий усулда даволаш учун барча шароитлар яратилди.
Жумладан, УТТ ва рентгент хизматлари, клиник ва биохимик, гармонал таҳлиллар ўтказиш йўлга қўйилди. Маслаҳат-диагностика, болалар ва ўсмирлар, диабетология-тиреодология, диабетология-нефрология, жарроҳлик бўлимлари фаолият бошлади. Маслаҳат-диагностика бўлимида кунига 150 нафар беморга хизмат кўрсатиш имконияти мавжуд.
Маълумот учун, авваллари вилоят эндокринология диспансери 110 ўринли мослаштирилган, пастқам ва таъмирталаб бинода фаолият кўрсатган.
Изоҳ (0)