Ўзбекистон Ёшлар иттифоқи Самарқанд вилояти Кенгаши томонидан вилоят Ёшлар марказида Иттифоқнинг фаол аъзолари, олий таълим муассасаларида тўлов-контракт асосида таҳсил олаётган 645 нафар талабанинг контракт-шартнома пули тўлаб берилгани тўғрисидаги сертификатлар топширилди. Бу ҳақда вилоят Ёшлар Иттифоқининг матбуот котиби Шаҳноза Холиқова «Дарё»га маълум қилди.
Унда ўзлаштириш кўрсаткичи 86 фоиз ва ундан юқори бўлган 114 нафар талаба вилоят Ёшлар иттифоқи томонидан йиллик шартнома маблағининг 35 фоизлик сертификати билан тақдирланди. Шунингдек, Ўзбекистон ёшлар иттифоқининг фаол аъзоси бўлган, Ўзбекистон Қуролли Кучлари сафида муддатли ҳарбий хизматни ўтаб, қўмондонликнинг тавсияномасига асосан олий таълим муассасаларига тўлов-контракт асосида ўқишга қабул қилинган 531 нафар талабанинг бир йиллик тўлов шартнома пулининг 35 фоизи тўлаб берилган совриндор талабаларга тантанали тарзда сертификатлар топширилди.
Тақдирлаш маросимида Республика Ёшлар маркази Самарқанд вилоят бўлинмаси раиси А.Аслонов сўзга чиқиб, сертификат билан тақдирланган ёшларга кейинги фаолиятларида янада фаол бўлишни, олий таълим муассасаси яқинидаги мактабларда ўз мутахасисликлари бўйича семинар-тренинглар ўтказишларини ва ёшларга ўрнак бўлиб, уларни ҳам шунақа фаол бўлишга ўгатишни таклиф қилди.
Изоҳ (0)