АҚШда йўлбарс ўзининг ҳалоскорига ташланди

АҚШнинг Аризона штатидаги Keepers of the Wild қўриқхонасида бенгал йўлбарси парк эгаси Жонатан Kraftга ҳужум қилди, деб хабар бермоқда «Zakon.kz».

Воқеа 22 апрель куни содир бўлган. Қўриқхона ходимлари тез орада тошқин бўлиши ҳақида огоҳлантириш олган. Kraft бир неча ҳайвонлар, жумладан, Боуи лақабли 11 ёшли йўлбарснинг ҳам хавфсизлигини таъминлаш мақсадида уларни хавсизроқ жойга олиб бормоқчи бўлган.

Жонатан йўлбарс махсус ғорга яшириниб олиши учун қафасни очган вақтда, йиртқич жонивор унга ташланган.

«Ҳодиса бўйича айб ўзимда. У ҳақда хавотир олиб, хавфсизлик чораларини унутган эдим. Тутқунликдаги жониворнинг ҳайвонлик инстинктлари арзимаган бир неча сонияда уйғониб кетиши мумкин. Бундай воқеалар одамларнинг айби билан содир бўлади», — деди Kraftнинг ўзи.

Воқеа жойига етиб келган тиббиёт ходимлари Жонатанни Кингман шаҳридагги касалхонага етказган. Эркакнинг икки жойи синиб, яна бошқа кўплаб жароҳатлар олган. Дастлабки маълумотларга кўра, унинг соғайиб кетишу учун бир неча ой талаб этилади.

Йўлбарс эса ўзининг қафасида — унинг ҳаётига ҳеч нарса хавф солмаяпти.