Апрель ойида Ўзбекистонда, хусусан Жиззах вилоятида ёғингарчилик кўп бўлди. Бунинг оқибатида тоғли ҳудудларда сел келиб, аҳолига қийинчиликлар туғдирди. Бу ҳақда Жиззах вилояти ФВБ хабарида айтилади.
Бу ҳолатда вилоят Фавқулодда вазиятлар бошқармаси томонидан аҳолига доимий равишда тушунтириш ишлари билан биргаликда ёрдам бериб келинмоқда.
Вилоят Фавқулодда вазиятлар бошқармаси бошлиғи Соҳиб Қудратовнинг маълум қилишича Жума қишлоғидаги кўприк ҳамда электр узатиш тармоқлари 23—24 апрель кунлари сел келиши натижасида шикастланди. 25—26 апрель кунлари бошқарманинг масъул ходимлари ҳамда Фавқулодда вазиятларда уларнинг олдини олиш ва бартараф этиш Давлат тизими хизматлари томонидан тезкор олиб борилган ишлар натижасида барча камчиликлар жойида бартараф этилиб, ишлар давом эттирилмоқда.
Аввалроқ Жиззах вилояти Ғаллаорол тумани Жума қишлоғида кучли сув тошқини кузатилгани хабар берилган эди.
Изоҳ (0)