Бугун,

  • USD 11014.01
  • RUB 191.8
  • EUR 10674.78

18 апрель куни соат тахминан 19:30 да Фарғона вилояти Бувайда тумани Бувайда қишлоғида жойлашган метан газ қуйиш шохобчасида Lacetti автомашинаси портлаб кетган.

Фото: Telegram

Фото: Telegram

«Дарё» манбасининг маълум қилишича, портлашга пропан газ учун мўлжалланган баллонга метан газ қуйилиши сабаб бўлган. Lacetti автомашинасининг эгаси ўзбошимчалик билан пропан газ учун мўлжалланган баллонни метанга мослаштириб олган ва ундан кам миқдорда газ қуйиш орқали фойдаланиб келган. Ҳодиса содир бўлган куни Lacetti’ни ҳайдовчининг дўсти бошқарган ва автомашинага пропан газ учун мўлжалланган баллон ўрнатилганидан бехабар бўлган.

Фото: Telegram

Фото: Telegram

Ҳодиса оқибатида ҳеч ким жабрланмаган. Бироқ Lacetti’га жиддий шикаст етган. Ижтимоий тармоқларда тарқалган суратларда автомашинанинг орқа қисми деярли йўқ бўлиб кетганини кўриш мумкин.

Фото: Telegram

Фото: Telegram

Изоҳ
Асосий янгиликлар