Ўзбекистон халқ таълими вазири Шерзод Шерматов «Жамият» газетасига берган интервьюсида хусусий мактабларда тўлов ўртача ойликка ишлайдиганлар учун қиммат эканлиги ҳақидаги саволга жавоб берди. Вазирнинг таъкидлашича, вазирлик хусусий тадбиркорнинг нарх белгилашига аралаша олмайди.
«Йўқ, у хусусий мактаб, хусусий тадбиркор ишига давлат аралашмаслиги керак. Вазирлик фақатгина таълим сифати ва ўқувчиларнинг маънавий тарбиясига аралашиши мумкин. Лекин тўлов нархига аралашмайди. Аслида, фарзандининг келажагини ўйлайдиган ота-она унинг таълими учун маблағни аяши керак эмас», — дейди вазир.
Вазирнинг фикрига кўра, хусусий мактабда фарзандини ўқитишга имконияти йўқлар болаларини давлат мактабларида ўқитиши керак:
«Унда давлат мактабларида ўқитавериш керак. Бошқача қилиб айтганда, хусусийга халақат қилмаслик, давлат мактабларини янада яхшилаш керак. Оддий мисол, олдин хусусий мактаб очиш учун лицензия олиш муаммо эди. Ҳозир Президент қарори билан булар ҳал бўлди. Бемалол лицензия олиш мумкин. Кейинги муаммо, шаҳодатнома беролмас эди. Мана, бу йилдан бу муаммо ҳам ҳал бўлди. Қўшимча дарслик¬лардан фойдаланишда эътироз бор эди. Бу ҳам бартараф этилди. Яъни, хусусий мактаб давлат томонидан тавсия қилинаётган дарсликлар асосида ўқитади. Шу меъёр даражасида билим бериши мажбурий. Аммо янада кўпроқ илм бермоқчи бўлса, қўшимча адабиётлардан фойдаланмоқчи бўлса, бемалол».
Изоҳ (0)