Тўрақўрғонда тижорат автомобиллари ва автобуслар ишлаб чиқаришга ихтисослашган Hyundai Motor Uz Namangan Ўзбекистон—Корея қўшма корхонаси қурилиш ишларини бошланишига бағишланган маросим ўтказилди. Бу ҳақда «Дарё»га Наманган вилоят ҳокимлиги ахборот хизмати маълум қилди.
Маросимда Жанубий Корея ишбилармонлари, вилоят ҳокимлиги, давлат ва жамоат ташкилотлари, оммавий ахборот воситалари вакиллари иштирок этди.
Вилоят ҳокими Хайрулло Бозоров ва Evergreen Motors компанияси президенти Ким Чанг Кеон рамзий тугмачани босиши билан корхонага асос солиниши санаси ва бошқа муҳим маълумотлар солинган капсула иншоот пойдевори қўйиладиган жойдан ўрин олди.
Ушбу лойиҳага 2019—2021 йиллар давомида 200 миллион доллар миқдорида инвестиция киритилади. Кейинги 4 йил давомида маҳаллийлаштириш даражаси 45 фоизга етказилади.
Автозавод 2020 йилнинг биринчи чорагидан илк маҳсулотларини чиқара бошлайди.
Изоҳ (0)