GM Uzbekistan Россиядаги Derways заводи билан унинг қувватларидан фойдаланган ҳолда Ravon автомобилларини йиғиш бўйича музокаралар олиб бораётганини тасдиқлади. Бу ҳақда «Podrobno.uz» хабар берди.
«Россия заводида автомобиллар йиғиш масаласи ҳамкорликнинг маъқулланиши жараёнида. Узил-кесил қарор қабул қилинган тақдирда бу ҳақда расман маълум қилинади», — дея таъкидлаган компания вакиллари.
Эслатиб ўтамиз, Россия ОАВлари 2018 йил май ойида ушбу давлатга экспортни тўхтатган GM Uzbekistan Derways заводида автомобилларини йиғиш бўйича келишувга эришгани тўғрисида хабар берганди.
Маълумот учун, Черкесс шаҳрида жойлашган Derways компаниясига 2004 йилда асос солинган бўлиб, асосан Хитой автомобилларини ишлаб чиқаришга ихтисослашган.
Изоҳ (0)