20 апрель, шанба куни футбол бўйича Англия Премьер Лигасининг 35-тур баҳсларига старт берилади.
Турнинг марказий учрашуви «Иттиҳод» стадионида бўлиб ўтади. Унда Хосеп Гвардиола бошлиқ «Манчестер Сити» клуби Маурисио Почеттино бошқарувидаги Лондоннинг «Тоттенҳэм» жамоаси билан жанг қилади. Беллашув Тошкент вақти билан соат 16:30 да бошланади.
Маълумот учун, «манкунианлар» 83 очко тўплаб мусобақа жадвалида 2-ўринда бораётган бўлса, «шпорлар» 67 очко билан 3-поғонани банд қилиб турибди. Қайд этиш жоиз, бир неча кун олдин «Сити» икки ўйин натижасига кўра, «Тоттенҳэм»га мағлуб бўлиб, Чемпионлар Лигасидан чиқиб кетганди.
21 апрель, якшанба куни аввалги турда «Вест Ҳэм»ни мағлубиятга учратган (2:1) «Манчестер Юнайтед» сафарда «Эвертон» билан жанг қилади. Учрашув соат 17:30 да старт олади.
Шу куни Лондоннинг «Арсенал» жамоаси ўз майдонида «Кристал Пэлас» билан ўйнайди. Эслатиб ўтамиз, «канонирлар» 34-турда «Уотфорд»ни Пьер-Эмерик Обамеянгнинг урган ягона голи эвазига ютганди (1:0) ва мусобақа жадвалида 4-ўринга кўтарилиб олганди.
Куннинг сўнгги ўйинида Юрген Клопп қўл остидаги «Ливерпуль» клуби «Кардифф Сити»ни синовдан ўтказади. Баҳсга соат 20:00 да старт берилади. Таъкидлаш жоиз, Мерсисайд клуби Европа Чемпионлар Лигаси 1/4 финали жавоб ўйинида Португалиянинг «Порту» жамоасини йирик 4:1 ҳисобида мағлуб этди.
Турга «Челси»—«Бёрнли» учрашуви якун ясайди. Тўқнашув соат 00:00 да бошланиши белгиланган.
Маълумот учун, «аристократлар» Европа Лигасининг чорак финалида Чехиянинг «Славия Прага» клубини икки ўйин натижасига кўра 5:3 ҳисобида таслим қилиб, ярим финалга чиққанди.
АПЛ
35-тур баҳслари
20 апрель, шанба
«Манчестер Сити»—«Тоттенҳэм» 16:30
«Вулверҳэмптон»—«Брайтон» 19:00
«Вест Ҳэм»—«Лестер» 19:00
«Ҳаддерсфилд»—«Уотфорд» 19:00
«Борнмут»—«Фулҳэм» 19:00
«Ньюкасл»—«Саутҳэмптон» 21:30
21 апрель, якшанба«Эвертон»—«Манчестер Юнайтед» 17:30
«Арсенал»—«Кристал Пэлас» 20:00
«Кардифф Сити»—«Ливерпуль» 20:00
22 апрель, душанба«Челси»—«Бёрнли» 00:00
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)