Таълим тизимида қандай ишлар олиб борилаётгани ҳамда бу йилги обуна мавсумида турли миш-мишларга сабаб бўлган «мажбурий обуна» масаласига ойдинлик киритиш мақсадида «Жамият» газетаси мухбири Халқ таълими вазири Шерзод Шерматов билан суҳбатлашди. Суҳбат матни ЎзАда эълон қилинди.
Унда Шерзод Шерматов газета ўқишини, нафақат газета, балки барча оммавий ахборот воситалари, интернет сайтлари, ижтимоий тармоқларни ҳам кузатишини айтган.
Бир гапни яна таъкидлашни истайман, мен мажбурий деган нарсага қарши бўлдим. Газетага, ихтиёрий обунага эмас. Шу нарсада сал тушунмовчилик бўляпти.Мана, ўқитувчини мажбурий меҳнатдан, мажбурий обунадан, мажбуран қандайдир ҳомийликлар қилишдан халос қилдик. Лекин газета ўқимасин, демадик.
Мисол учун, менинг чўнтагимда маълум миқдорда пулим бор. Унга хоҳласам, сув олиб ичаман, хоҳласам болаларимга нимадир харид қиламан, хоҳласам, газетага обуна бўламан.
Яъни ўқитувчи ўз пулини ўзи истаганича ишлацин. Мен бундай ҳолатда қандай қилиб уни чеклашим мумкин.
Яна такрор айтаман: мен газетанинг душмани эмасман.
Шерзод Шерматов, Халқ таълими вазири
Изоҳ (0)