Nyu-yorklik ayol Keymoniya Redish Brons shahrida joylashgan kasalxona va to‘rt nafar shifokorni sudga berib, 110,6 million dollar kompensatsiya undirdi, deb yozadi Forum Daily.
Ma’lum bo‘lishicha, bemor Keymoniya Redish 2010-yilda astma xuruj qilgani sababli St.Barnabas kasalxonasiga kelgan.
Shifokorlar uni yaxshiroq xizmat ko‘rsatuvchi boshqa kasalxonaga yo‘llanma berishi kerak bo‘lgan. Shunda bemorning bosh miyasiga karbonad angidrid kirishi oldi olinib, uning sog‘lig‘iga tiklab bo‘lmas zarar yetkazilishidan saqlab qolish mumkin edi.
Lekin shifokorlar uni olib qolgan va ayol 326 kun davomida kasalxonada, so‘ng qariyalar uyida yotgan.
Xabarda qayd etilishicha, hozirda ayol o‘z uyida bo‘lib, uni turmush o‘rtog‘i parvarish qilmoqda. Kasallik oqibatida ayol nogironlar aravachasida harakatlanadi, nutqida ham kamchiliklar bor.
Izoh (0)