Жиззах вилоят ҳокимлиги, Хотин-қизларни ва оилани қўллаб-қувватлаш жамоат фонди ҳамкорлигида турмуш шароити оғир ва имконияти чекланган хотин-қизларнинг 59 нафарига ногиронлик аравачаси, 42 нафарига эшитиш мосламаси топширилди, дея хабар бермоқда ЎзА.
Вилоят марказидаги «Яккасарой» тантаналар мажмуасида бўлиб ўтган хайрия тадбирида Ўзбекистонда ижтимоий ҳимояга муҳтож хотин-қизларни ҳар томонлама қўллаб-қувватлаш, уларнинг турмуш шароитини янада яхшилаш, муаммоларини ҳал этишга алоҳида эътибор қаратилаётгани таъкидланди.
«Қизим Шаҳноза 19 ёшда. Биринчи гуруҳ ногирони. Шу чоққача ногиронлик аравачаси йўқлиги боис бирор жойга чиқишга қийналардик. Бугун берилган ногиронлик аравачаси мушкулимизни осон қилади. Шу биргина мадад ҳам кўнглимизни тоғдек кўтарди», — дейди зарбдорлик Олтиной Тошбекова.
Изоҳ (0)