Банклар Ассоциацияси биноси қуёш энергиясини ишлаб чиқариш ҳисобига электр энергиясига эга бўлишни режалаштирмоқда. Шу мақсадда уюшма ҳудудида интеграллашган фотоэлектрик станция қурилади, деб хабар берди Spot.
Бу ҳақда уюшма бош директори Бахтиёр Ҳамидов банк-молиявий хизматларнинг йирик кўргазмаси BankExpo 2019-да маълум қилди.
Лойиҳа доирасида бутун ҳудуд бўйлаб 4300 та қуёш панеллари ўрнатилиши кўзда тутилган. Бу йилига қарийб 2,7 миллион киловатт электр энергияси ишлаб чиқариш имконини беради. Дастлабки ҳисоб-китобларга кўра, электр қуввати 1,7 миллион киловаттни ташкил этади. Компания 1 миллион киловаттдан ошадиган фарқни шаҳар тармоғига етказиб беради.
Қуёш энергияси бинони иситиш ва совутиш учун ҳам ишлатилади.
«Биз энергия тежашга алоҳида эътибор қаратмоқдамиз. Олти ой мобайнида бу масала бўйича шуғулланмоқдамиз. Масалан, 3 мингга яқин чироқларни энергия тежайдиганларига алмаштирдик», — дейди Бахтиёр Ҳамидов.
Лойиҳа қиймати 1,05 миллион долларга баҳоланмоқда, ускуналар сотиб олиш учун харажатлар 550 минг долларни, қурилиш-монтаж ишлари эса 4 миллиард сўмни ташкил этади.
Ҳозирги вақтда лойиҳа мувофиқлаштириш ва экспертиза босқичларидан ўтмоқда. Тугаллангач, уюшма тендер эълон қилади. Россия, Германия, Хитой, Малайзия ва Ўзбекистон компаниялари лойиҳага қизиқиш билдирмоқда.
Бахтиёр Ҳамидовнинг сўзларига кўра, уюшма лойиҳаси нафақат компаниянинг электрга бўлган эҳтиёжларини қоплайди, балки уни экспорт қилиш имкониятини ҳам беради.
Фотоэлектр станцияси қурилишини жорий йилнинг IV чорагига қадар якунлаш режалаштирилмоқда.
Изоҳ (0)