Фарғона вилоятида жорий йилнинг ўтган 3 ойи давомида озодликдан маҳрум этиш билан боғлиқ бўлмаган жазони ўташдан қасддан бўйин товлаган 50 киши қамоққа қайтарилди.
Вилоят ИИБ матбуот хизматининг «Дарё» га маълум қилишича, пробация бўлими ҳисобида турган, озодликдан маҳрум этиш билан боғлиқ бўлмаган жазо тайинланган ва бу жазони ўташдан қасддан бўйин товлаган 64 нафар маҳкум аниқланди. Уларнинг 50 нафари озодликдан маҳрум этиш жазосига қайтарилди. 14 кишига нисбатан бошқа жазо турлари қўлланилди.
Вилоятнинг Фарғона, Марғилон, Қувасой шаҳарлари ҳамда Қува, Тошлоқ, Ёзёвон, Қўштепа, Фарғона ва Олтиариқ туманларида 36 марта бўш иш ўринлари ярмаркаси ўтказилди. Натижада пробация бўлимлари ҳисобида турувчи 436 нафар жазо ўтаётган шахс ишга жойлаштирилди.
Изоҳ (0)