Трамп Саудия Арабистони валиаҳд шаҳзодаси билан Эронга босимни кучайтиришни муҳокама қилди

АҚШ президенти Дональд Трамп Саудия Арабистони валиаҳд шаҳзодаси Муҳаммад бин Салмон билан телефон орқали мулоқотда бўлди. Бу ҳақда «Интерфакс» хабар бермоқда.

Оқ уй матбуот хизматига кўра, «томонлар Саудия Арабистонининг Яқин Шарқда барқарорликни таъминлашдаги ўрни, Эронга максимал даражада босим ўтказиш ва инсон ҳуқуқлари масалалари муҳимлигини муҳокама қилди».

Эслатиб ўтамиз, мазкур мулоқот арафасида АҚШ Washington Post журналисти Жамол Қошиқчининг ўлимида алоқадор ҳисоблаб, Саудия Арабистонининг 16 нафар фуқаросига мамлакат ҳудудига киришни тақиқлади.