Французлар (аниқроғи, Airbus авиалайнер ишлаб чиқарувчи ва Safran самолёт ишлаб чиқарувчи компаниялар) A330 ва A350 самолётлари учун янги интерьер ишлаб чиқди. Бу ҳақда National Geographic хабар берди.
Нуфузли Crystal Сabin Award мукофотига сазовор бўлган лойиҳа юкхоналарни болаларнинг ўйин хоналарига, 2 ёки 6 ўринли уйқу жойларига ёки йиғилиш хоналарига айлантиради.
Муҳандислар самолётга «хонали» модулларни ўрнатишни режалаштирмоқда. A330 ёки A350 палубаларининг пастки қисмидаги юкхонасига тўртта шундай модулни ўрнатиш мумкин (уларнинг ҳар бири 4 метр кенглигида, 2,4 метр узунликда ва 1,5 метр баландликда бўлади). Зарур бўлганда, модуль осонгина ва тезда олиб ташланади ва юк учун жой ажратилади.
Изоҳ (0)