Йил охирига қадар Ўзбекистоннинг қарийб 6 та компанияси IPO’га чиқишни режалаштирмоқда

2019 йил охирига қадар Ўзбекистоннинг 6 та компанияси акцияларни бирламчи жойлаштириш процедурасидан (IPO) ўтади, дея хабар беради Spot.

Капитал бозорини ривожлантириш агентлиги директор ўринбосари Аскар Обидов ушбу мақсадларни соҳа вакиллари билан учрашув чоғида маълум қилган.

У аукционга «инвесторлар учун талабгир ва қизиқарли» акциялар қўйилишини қўшимча қилган, аммо айнан қайси ташкилотлар ҳақида гап кетаётганини айтмаган.

«Ўзбекистон бозори IPO ўтказишга тайёр. Бизда бунинг учун инфратузилма, техник ва ҳуқуқий механизмлар ишлаб чиқилган. Шу билан бирга инвесторлар ҳам қизиқиш билдирмоқда. Агар босқичма-босқич акциялар пакети сотувга қўйилса бу корхонани ривожланиши учун хўжалик айланмасига бўш маблағлар жалб қилиш имконини беради», — деди Аскар Обидов.

Ўз нутқида, у шунингдек, капитал бозорининг асосий муаммолари, жумладан акциядорлик жамиятларидаги давлат мулкининг улуши катта эканлигини таъкидлади.

Мамлакатда қарийб 600 та акционерлик жамиятлари мавжуд бўлиб, уларнинг 400 тасининг устав капиталида давлат бевосита ёки билвосита иштирок этмоқда. Чиқарилган акцияларнинг ва ҳозирги кунда муомалада бўлганларнинг умумий миқдори тахминан 60 триллион сўмни ташкил этади (тахминан 7 миллиард доллар).