Yil oxiriga qadar O‘zbekistonning qariyb 6 ta kompaniyasi IPO’ga chiqishni rejalashtirmoqda

2019-yil oxiriga qadar O‘zbekistonning 6 ta kompaniyasi aksiyalarni birlamchi joylashtirish protsedurasidan (IPO) o‘tadi, deya xabar beradi Spot.

Kapital bozorini rivojlantirish agentligi direktor o‘rinbosari Askar Obidov ushbu maqsadlarni soha vakillari bilan uchrashuv chog‘ida ma’lum qilgan.

U auksionga “investorlar uchun talabgir va qiziqarli” aksiyalar qo‘yilishini qo‘shimcha qilgan, ammo aynan qaysi tashkilotlar haqida gap ketayotganini aytmagan.

“O‘zbekiston bozori IPO o‘tkazishga tayyor. Bizda buning uchun infratuzilma, texnik va huquqiy mexanizmlar ishlab chiqilgan. Shu bilan birga investorlar ham qiziqish bildirmoqda. Agar bosqichma-bosqich aksiyalar paketi sotuvga qo‘yilsa bu korxonani rivojlanishi uchun xo‘jalik aylanmasiga bo‘sh mablag‘lar jalb qilish imkonini beradi”, — dedi Askar Obidov.

O‘z nutqida, u shuningdek, kapital bozorining asosiy muammolari, jumladan aksiyadorlik jamiyatlaridagi davlat mulkining ulushi katta ekanligini ta’kidladi.

Mamlakatda qariyb 600 ta aksionerlik jamiyatlari mavjud bo‘lib, ularning 400 tasining ustav kapitalida davlat bevosita yoki bilvosita ishtirok etmoqda. Chiqarilgan aksiyalarning va hozirgi kunda muomalada bo‘lganlarning umumiy miqdori taxminan 60 trillion so‘mni tashkil etadi (taxminan 7 milliard dollar).