Ўзбекистон товар-хом ашё биржасида қимматбаҳо металлар бўйича илк битимлар амалга оширилди. Бу ҳақда ЎзА хабар берди.
Жумладан, 18—20 март кунлари бўлиб ўтган биржа савдоларида умумий қиймати 192,6 миллион сўмлик 46,5 килограмм кумуш сотилди. К умушнинг бир ҳафталик биржа котировкаси 1 грамм учун 4 142,56 сўмни ташкил қилди.
Ҳозирги кунда ички биржа бозорида қимматбаҳо металларни сотиш учун икки шартнома мавжуд. Хусусан, биржа котировка варағига кумуш қуймасининг 500 граммлик Аг-1 маркаси ва олтин қуймасининг 500 граммлик Ау-1 маркаси учун шартномалар киритилган.
Айни пайтда кундалик биржа савдоларига 15,5 минг грамм кумуш ва 2,6 минг грамм олтин қўйилмоқда. Бунда қимматбаҳо металларнинг бошланғич нархи Лондон қимматбаҳо металлар бозори уюшмасининг сўнгги фиксингига асосан миллий валютада белгиланади.
Изоҳ (0)