Тошкентда «Яндекс.Метро» мобил иловаси ишга туширилди. Бу ҳақда «Халқ сўзи» маълум қилди.
Мазкур илова ёрдамида фойдаланувчилар шаҳар аҳолиси ва сайёҳлар метронинг зарур йўналиши, бекатлари, йўналишдан бошқа йўналишга ўтиш ва қанча вақтда манзилга етиб бориш мумкинлигидан хабардор бўлиши мумкин.
Фойдаланувчилар яқин бекатдан мўлжалланган бекатни белгилаши кифоя қилади — «Яндекс.Метро» йўналиш ҳақида, ўтириш учун қулай бўлган вагон, шаҳарнинг қулай қисмига чиқиш, йўналишни ўзгартириш учун қулай бўлган вагонигача кўрсатиб беради.
Иловада ҳар бекатнинг иш жадвали ва уларнинг харита бўйича жойлашуви кўрсатиб ўтилган. Агар таъмирлаш ёки бошқа сабаб туфайли бекат ёпилса, бу махсус схемада акс этади.
Айни вақтда илова Android ва iOS операцион тизимларида мавжуд. У ҳеч қандай интернетсиз ишлайди. Фойдаланувчилар уни ўзбек ва рус тилларида ишлатиши мумкин.
Изоҳ (0)