Жорий йил 14 март куни Тошкент шаҳрининг Чилонзор туман ИИБга ўта катта миқдордаги фирибгарлик ҳолати юзасидан ҳужжатлар келиб тушди. Бу ҳақда ИИВ Жамоатчилик ва оммавий ахборот воситалари билан алоқалар бошқармаси маълум қилди.
Унга кўра, Юнусобод туманида яшовчи К.А. ва Шайхонтоҳур туманида яшовчи Т.Ж. фуқаро М.Р.га Чилонзор туманидаги «Фламинго» ресторани олдидаги бўш ер майдонига эгалик ҳуқуқини берувчи қарорни чиқартириб беришни ваъда қилган.
Улар 2017 йил сентябрь ойидан 2018 йил ноябрь ойигача бўлган вақт оралиғида ундан 540 000 АҚШ долларини олиб, берган ваъдасини бажармай, пулларни ҳам қайтариб бермаган.
Ҳолат юзасидан жиноят иши қўзғатилиб, К.А. ва Т.Ж. қўлга олинди. Тергов ҳаракатлари олиб борилмоқда.
Изоҳ (0)