2018–2019 йилларда Қашқадарё вилоятида муддатли ҳарбий хизматни ўтаган жами 366 нафар аскарга имтиёзли кредит олиш имконини берувчи сертификатлар топширилди. Бу ҳақда «Дарё»га Ёшлар иттифоқи вилоят кенгаши матбуот хизмати раҳбари Аҳрор Содиқов маълум қилмоқда.
Аҳрор Содиқовга кўра, бу — Вазирлар Маҳкамасининг 2018 йил 6 июндаги «Ўзбекистон Республикаси Мудофаа вазирлиги ҳарбий хизматчиларини ижтимоий қўллаб-қувватлашга доир қўшимча чора-тадбирлар тўғрисида»ги қарори ижроси юзасидан амалга оширилмоқда.
«Ўзбекистон Республикаси Мудофаа вазирлигига қарашли вилоятдаги 11 та ҳарбий қисмда ўтказилган ўқув-семинарларга 679 нафар ҳарбий хизматчи қамраб олинди, — дейди Ўзбекистон ёшлар тадбиркорлигини қўллаб-қувватлаш марказининг Қашқадарё вилоят бўлинмаси директори Адҳам Тоҳиров. – Саралаш икки босқичда олиб борилди — тест ва иншо кўринишида. Якунда 366 нафар муддатли ҳарбий хизматчи имтиёзли кредитлар олишга лойиқ деб топилди».
Изоҳ (0)