Интернетда Америка президенти Дональд Трамп ва Чехия бош вазири Андрей Бабиш бир-бирини кўриб, рафиқаларини унутиб қолдиргани акс этган видео пайдо бўлди. Бу ҳақда «ForumDaily» хабар беради.
Трамп ва унинг рафиқаси Мелания Чехия бош вазири Бабиш ва унинг рафиқаси Моникани Вашингтонда учратган. Бир-бири билан кўришгач президент ва бош вазир уларни рафиқалари кутаётганини унутиб, Оқ Уйга йўл олган. Аёллар бир-бирига қараб, елка қисиб, турмуш ўртоқларининг кетидан йўл олган.
Интернет фойдаланувчилари Трампнинг бу ҳаракатини танқид остига олган. Шунингдек кўпчилик бундай ҳолат аввал ҳам бўлганини қайд этган. Инаугурация маросими кунида ҳам у АҚШ собиқ президенти Барака Обама ва унинг рафиқасини кутиб олиш учун автомобилдан чиқаётган рафиқасини кутмасдан ўзи борган. 2018 йилнинг январида эса у Флоридадаги халқаро аэропортда ўзини соябон билан ёмғирдан тўсиб, ўғли ва рафиқасини унутган.
Изоҳ (0)