9 март, шанба куни «Барселона» футбол бўйича Испания Ла Лигасининг 27-тури доирасида «Райо Вальекано»га қарши кечган баҳсда навбатдаги ғалабасини қўлга киритди (3:1).
Жамоа кеча «Райо Вальекано»га қарши ўйинда ҳисобда ортда бораётганига қарамай, якунда ғалабани ўзиники қилди. Шу тариқа каталонияликлар Топ-5 чемпионатлардаги жамоалар орасида ҳисобда ортда қолиб, энг кўп очкони (20 очко) қўлга киритган клуб бўлди, деб хабар берди Opta нашри.
Маълумот учун, Испания чемпионатининг 27-туридан сўнг «кўк-анор ранглилар» 63 очко тўплаган ҳолда мусобақа жадвалида пешқадамлик қилмоқда. Ундан кейинги ўринларни «Атлетико Мадрид» (56 очко) ҳамда «Реал Мадрид» (48 очко) клублари эгаллаб турибди.
Эслатиб ўтамиз, Мадриднинг «Реал» клуби бугун сафарда «Вальядолид»га қарши майдонга тушади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)