Lada Ўзбекистонда бренд ривожланиши учун жуда катта салоҳият кўрмоқда. Бу ҳақда «АвтоВАЗ» сотув ва маркетинг бўйича вице-президенти Ян Птачек маълум қилди, дея хабар беради Spot.
Птачекка кўра, компания Лотин Америкаси ва Яқин Шарққа экспортни кучайтиришни режалаштирмоқда. Бироқ биринчи галда МДҲ давлатлари, хусусан, Қозоғистон, Беларусь ва Ўзбекистонга эътибор қаратилади.
Маълумот учун, Ўзбекистонда Lada автомобиллари сотуви 2018 йилда 357 фоизга ошди, мамлакат «АвтоВАЗ» учун асосий экспорт бозорларидан бирига айланди.
Изоҳ (0)