Янгийўл туманида Божхона қўмитаси томонидан тадбиркорлар иштирокида 2019 йил учун товарлар ва хизматлар экспорт прогноз кўрсаткичларини бажаришда корхоналарнинг экспорт салоҳиятини оширишга қаратилган учрашув ташкил қилинди. Бу ҳақда қўмита ахборот хизмати маълум қилди.
Айрим экспортёрлар томонидан қонунбузилиш ҳолатлари содир этилаётгани йиғилишда танқидий муҳокама қилинди. Масалан, Афғонистонга қизил ловия экспорт қилаётган тадбиркорлардан бири қопларнинг устини ловия билан тўлдирган ҳолда, уларнинг остига 8 тонна нўхат жойлаб яширинча олиб чиқмоқчи бўлган вақтида тўхтатиб қолинди.
Хорижга экспорт қилинаётган товарларнинг нархини асоссиз равишда тушириш ҳолатлари ҳам экспорт кўрсаткичларига салбий таъсир ўтказиши мумкин. Масалан, Тошкент вилоятининг Ангрен туманида 3 доллар 20 сентдан экспорт қилинган ўғил болалар шими Янгийўлда 2 баробар арзон, яъни 1 доллар 62 сентдан экспорт қилинган.
Тадбир давомида Божхона қўмитаси раҳбарияти республиканинг иқтисодий салоҳиятини оширишга ўз ҳиссаларини қўшаётган тадбиркорларга ҳар томонлама амалий ёрдам бериш ҳамда товарлар экспорти божхона расмийлаштирувини тун-кун амалга оширишга тайёр эканликларини маълум килди.
Изоҳ (0)