14 февраль куни Тошкент давлат иқтисодиёт университетида Ўзбекистон ёшлар иттифоқи ҳамда Олий ва ўрта махсус таълим вазирилиги ҳамкорлигида Заҳириддин Муҳаммад Бобур таваллудининг 536 йиллиги муносабати билан «Очиқ эшиклар куни» ўтказилади. Бу ҳақда «Дарё»га Ёшлар медиа маркази маълум қилди.
Тадбир доирасида ҳар бир киши университетга келиши ва бу ерда Бобур таваллуд кунига бағишлаб тайёрланган махсус баннерлар, декорация ва иллюстрациялар атрофида суратга тушиб, ўз иштирокини онлайн тизимда турли ижтимоий тармоқларда акс эттириб бориши мумкин.
Таниқли санъаткорлар ва спортчилар барчани, хусусан, талаба ва ўқувчи ёшларни акцияда фаол иштирок этишга чорлайди. Виртуал оламдаги фаол ёшларни ҳам ўз сафларида бўлишга тарғиб этади.
Акция давомида #BoburDay хеш-тегини бутун жаҳондаги Интернет фойдаланувчилари ўртасида кенг тарғиб қилиб, дунё трендига олиб чиқиш режалаштирилган.
Изоҳ (0)