Тошкент шаҳар давлат солиқ хизмати органлари ходимлари томонидан жорий йилнинг январь ойида ўтказилган профилактик тадбирларда бир қатор ноқонуний савдолар аниқланди. Бу ҳақда Давлат солиқ қўмитаси матбуот хизмати хабар берди.
Профилактик тадбирларда жами 254 миллион 300 минг сўмлик акциз маркаси мавжуд бўлмаган алкоголь ва тамаки маҳсулотлари савдога қўйилганлиги аниқланиб, қонуний чора кўриш учун тегишли ҳужжатлар расмийлаштирилган.
Пойтахтнинг Яшнобод тумани, Содиқ Азимов кўчасидаги бекатда жойлашган савдо дўконида ўтказилган профилактик тадбир жараёнида акциз маркаси мавжуд бўлмаган, хорижда ишлаб чиқарилган жами 11 турдаги 2 миллион 99 минг сўмлик тамаки маҳсулотларининг ноқонуний савдосига чек қўйилди.
Шунингдек, Яккасарой тумани, Кичик Бешёғоч кўчаси, 132 а-уйда жойлашган савдо дўконида хорижда ишлаб чиқарилган 97 турдаги, умумий қиймати 124 миллион 624 минг сўмлик акциз маркасиз алкоголь ва 19 турдаги 5 миллион 526 минг сўмлик тамаки маҳсулотлари ноқонуний равишда савдога қўйилганлиги аниқланиб, тегишли ҳужжатлар расмийлаштирилган.
Изоҳ (0)