9 февраль, шанба куни Германия Бундеслигасининг 21-тур баҳслари доирасида 6 та учрашув бўлиб ўтди.
Мусобақа жадвалини бошқариб бораётган Дортмунднинг «Боруссия» клуби ўз майдонида «Ҳоффенҳайм» жамоаси билан жанг қилди.
1-бўлимнинг 32-дақиқасида Жейдон Санчо Лукаш Пишчек узатмасини голга айлантирди ва ҳисобни очди (1:0). 43-дақиқага келиб, Марио Гётце ҳисобни 2:0 кўринишига олиб келди.
2-бўлимнинг 66-дақиқасида Гёце узатган тўпни Рафаэль Геррейру рақиб дарвозасига тўп киритди ва ҳисобни йириклаштирди (3:0). 75-дақиқада эса Андрей Крамарич ўрнига захирадан майдонга тушган Исхак Белфодил Роман Бюрки қўриқлаётган дарвозани ишғол қилди ва ҳисобни қисқартирди (3:1). 83-дақиқага келиб Павел Кадержабек жамоасининг 2-голига муаллифлик қилди. Орадан 4 дақиқа ўтиб Исҳоқ Бельфодиль гол уриб, ҳисобни тенглаштирди ва жамоасини мағлубиятдан қутқариб қолди (3:3).
Дитер Ҳекинг бошлиқ «Боруссия Мюнхенгладбах» клуби ўз уйида «Ҳерта» билан баҳсга киришди.
Беллашувнинг 30-дақиқасида Саломон Калу ҳисобни очган бўлса, 56-дақиқага келиб Ондрей Дуда ҳисобни 2:0 кўринишига олиб келди. Ўйиндаги сўнгги гол 76-дақиқада киритилди. Унга «Ҳерта» ҳужумчиси Деви Зельке муаллифлик қилди.
Шу тариқа «Боруссия Мюнхенгладбах» клуби йирик ҳисобда мағлуб бўлиб, 3 очкодан маҳрум бўлди.
Куннинг сўнгги ўйини Мюнхенда бўлиб ўтди. Унда Нико Ковач қўл остидаги «Бавария» клуби «Шальке-04» билан жанг қилди.
Учрашувнинг 12-дақиқасида Жеффри Брума ўз дарвозасини ишғол қилиб қўйган бўлса, 25-дақиқага келиб Аҳмад Кутучу ҳисобни тенглаштириб, жамоадошининг хатосини тўғирлади (1:1). Орадан 2 дақиқа ўтиб, мюнхенликлар ҳужумчиси Роберт Левандовски жамоасини ҳисобда олдинга олиб чиқди.
2-бўлимнинг 57-дақиқасида эса Серж Гнабри Роберт Левандовски узатмасини голга айлантирди ва ўйинга нуқта қўйди (3:1).
Шу тариқа Мюнхен клуби «Шальке-04» устидан муҳим ғалабага эришиб, 3 очкони қўлга киритди.
Бундеслига
21-тур баҳслари
9 февраль, шанба
«Боруссия Д»—«Ҳоффенҳайм» 3:3
Голлар: 1:0 — 32 Санчо, 2:0 — 43 Гёце, 3:0 — 66 Геррейру, 3:1 — 75 Белфодил, 3:2 — 83 Кадержабек, 3:3 — 87 Бельфодиль.«Лейпциг»—«Айнтрахт» 0:0
«Боруссия М»—«Ҳерта» 0:3
Голлар: 0:1 — 30 Калу, 0:2 — 56 Дуда, 0:3 — 76 Селке.«Ҳанновер»—«Ньюрнберг» 2:0
Голлар: 1:0 — 45 Мюллер, 2:0 — 77 Мюллер.«Фрайбург»—«Вольфсбург» 3:3
Голлар: 0:1 — 11 Руссиллон, 1:1 — 37 Грифо, 1:2 — 63 Вегхорст, 2:2 — 70 Петерсон, 2:3 — 74 Штеффен, 3:3 — 88 Вальдшмидт.«Бавария»—«Шальке-04» 3:1
Голлар: 1:0 — 12 Брума, 1:1 — 25 Кутучу, 2:1 — 27 Левандовски, 3:1 — 57 Гнабри.Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)