2024 йилнинг 26 декабрь ҳолатига кўра, APEX BANK устав капитали 500 миллиард сўмга ошди. Бу Ўзбекистон Республикаси Марказий банкининг устав капитали бўйича минимал талабларига тўлиқ мос келади ва банкимизнинг барқарорлиги ҳамда ишончлилигини тасдиқлайди.
APEX BANK — Ўзбекистон молиявий бозорида янги иштирокчи бўлиб, фаолиятининг дастлабки кунларидан бошлаб юқори даражада хизмат кўрсатиш ва барча молиявий операцияларнинг барқарорлигини таъминлашга интилмоқда.
Банкимиз тақдим этилаётган хизматларнинг хавфсизлиги ва ишончлилигини таъминлаш мақсадида қатъий назорат ва корпоратив бошқарув стандартларига риоя қилади.
Мақсадимиз — ҳар бир мижоз учун ишончли молиявий ҳамкор бўлиш. Биз кичик ва ўрта бизнесни ривожлантиришни қўллаб-қувватлаймиз, инновацияларни жорий этишни рағбатлантирамиз ва банк хизматларини соддалаштириш, қулай ва оммабоп қилишга ҳаракат қиламиз.
"Биз замонавий технологияларни фаол жорий этиб, мижозларимиз учун қулай, инновацион ва оммабоп молиявий ечимлар таклиф қилмоқдамиз. Бугунги кунда пойтахт бўйлаб 140га яқин APEX BANK банкоматлари фаолият кўрсатмоқда. Улар замонавий технологиялар билан жиҳозланган бўлиб, турли операцияларни амалга оширишда хавфсизлик ва қулайликнинг юқори даражасини таъминлайди. Ишонамизки, банк тараққиёти Ўзбекистонда банк хизматлари сифатини ва қулайлигини оширишга туртки бўлади. Банк устав капиталини 500 млрд со`мга ошириб, нафақат регулятор талабларига жавоб берамиз, балки мижозлар эҳтиёжларига йўналтирилган ва уларнинг келажагини таъминлайдиган банк қуришга тайёр эканлигимизни намоён қиламиз", — дейди “APEX BANK” АЖ бошқаруви раисининг ўринбосари Сергей Гимадиэв.
Реклама ҳуқуқи асосида.
Изоҳ (0)