Сурхондарёда коврак хом ашёсини қайта ишлашга ихтисослашган завод қурилади. Бу ҳақда Сурхондарё вилоят ҳокимлиги матбуот хизмати Facebook’даги саҳифасида маълум қилди, деб ёзади Spot.
Умумий қиймати 500 минг доллар бўлган ушбу лойиҳага кўра, ўрмон фонди ерларидан самарали фойдаланган ҳолда ҳар йили 1000 гектар майдонда коврак етиштириш, 2019 йилнинг сентябрь ойига қадар янги завод барпо этиш ва коврак ширасини қайта ишлаш линиясини ишга тушириш кўзда тутилган.
Лойиҳа доирасида 150 та янги иш ўрни яратиш, йилига 1 миллион доллардан кам бўлмаган миқдорда маҳсулотлар экспортини амалга ошириш режалаштирилган.
6 февраль куни вилоят ҳокимлигида Golden Farms хорижий корхонаси вакили Нараян Сундарам билан бўлган мулоқотда ҳам Шеробод туманида мавжуд имкониятлардан унумли фойдаланиб коврак етиштириш, унинг хом ашёсини қайта ишлашга ихтисослашган завод қуриш, маҳсулотларни экспортга йўналтириш масалалари муҳокама этилди.
Изоҳ (0)