Тошкент метросининг Алишер Навоий бекатида Халқ таълими вазирлиги, Республика болалар кутубхонаси ва метрополитен бошқармаси ҳамкорлигида «Навоий гулшани» деб номланган акция ўтказилди. Бу ҳақда ЎзА хабар берди.
Буюк шоир таваллудининг 578 йиллиги муносабати билан ташкил этилган акция Алишер Навоий адабий меросини ўрганиш, унинг бой маданий-маърифий меросини тарғиб этишга хизмат қилди.
Акцияда метронинг кириш қисмида йўловчиларга Алишер Навоий ҳаёти, ижодига оид саволлар берилди. Шунингдек, шоир ғазалларидан намуналар ўқиб бериш сўралди. Ғолиб йўловчилар метрополитендан фойдаланиш учун жетон ва бадиий китоблар билан тақдирланди. Навоий асарларидан парчалар ёзилган тарқатма материаллар йўловчиларга тарқатилди.
Маълумот учун, Алишер Навоий бекати 1984 йилнинг 8 декабрида ишга туширилган бўлиб, дунёдаги энг гўзал метро бекатларидан бири ҳисобланади.
Изоҳ (0)