23 январь куни Бухоро вилоят Вобкент туман судида автобус ҳалокати билан боғлиқ суд иши бошлангани ҳақида хабар берилган эди. Бу ҳақда Жиноят ишлари бўйича Бухоро вилоят Вобкент туман суди раиси Маҳмуд Арипов «Дарё»га хабар берди.
Ўзбекистон Республикаси Жиноят Кодексининг 186-моддаси 4-қисми »а, б» бандлари «хавфсизлик талабларига жавоб бермайдиган хизматлар кўрсатиш натижасида одамлар ўлими ва оғир оқибатларга олиб келиш), 228-моддаси 2-қисми «а, б» бандлари (бир гуруҳ шахслар томонидан такроран ҳужжатларни қалбакилаштириш) ва 228-моддаси 3-қисми (ҳужжатни қалбаки эканлигини била туриб ундан фойдаланиш) билан айбланган Учқун Шаропов Толибович, Умрзоқ Яхшиев Ҳамроевич, Сарвар Нарзуллаев Ғайбуллаевич, Бобур Тошев Ғайбуллаевич ва Намоз Розиқов Шавкатовичларнинг жиноят иши юзасидан суд тергови жараёни 30 январь ва 6 февраль кунларида давом эттирилиб, жами 31 кишидан иборат жабрланувчилар сўроқ қилинди.
Ушбу жиноий ҳодисани келиб чиқиш омилларини илмий йўл билан ўрганиб хулоса берган 4 кишидан иборат экспертлар гувоҳ тариқасида сўроқ қилиниб, уларнинг кўрсатмалари тингланиб, таҳлил қилинди.
Бундан ташқари суд, жиноят ишида тўпланган ёзма далилларни ўқиб эшиттириб, уларни таҳлил қилди ва музокарага ўтиб, ўз ишига 2018 йил 13 февраль кунига қадар танаффус эълон қилди.
Изоҳ (0)