Россия Шимолий Корея билан яширин музокаралар олиб боргани маълум бўлди

Россия Шимолий Корея билан яширин музокаралар олиб бориб, ядро қуролидан воз кечиш эвазига АЭС қуришни таклиф этган, деб хабар берди «Эхо Москви».

Хабарда айтилишича, яширин музокаралар ўтган йилнинг сентябрь ойида бўлиб ўтган.

Музокара доирасида Москва Шимолий Корея ҳудудида атом электростанцияси қуриш ва хизмат кўрсатишга, шунингдек, мамлакатдан АЭС чиқиндилари ва қолдиқ маҳсулотларни олиб чиқиб кетишга тайёр бўлган.

Бу Пхеньяннинг улардан ядро қуроли ишлаб чиқариш учун фойдаланиши эҳтимолини камайтирарди. Вашингтон эса бундай музокараларни АҚШ ва Шимолий Корея ўртасидаги яриморолни ядро қуролидан халос этиш борасидаги мулоқотига аралашиш деб баҳолади.