АҚШда президент Дональд Трамп маъмуриятининг топшириғига биноан кичик қувватли W76-2 янги ядро каллакларини ишлаб чиқариш бошланган. Бу ҳақда Defense News’га таяниб, «Газета.ru» хабар берди.
Жанговар каллаклар Техасда Пантах корхонасида ишлаб чиқилмоқда ва жорий йилнинг охиригача ҳарбий-денгиз кучларига қабул қилинади.
Ядровий зарядлар АҚШ ҳарбий-денгиз кучларининг Trident баллистик ракеталари учун мўлжалланган W76-1 жанговар каллаги асосида тайёрланган.
Бироқ бундай қуролнинг ишлаб чиқарилиши АҚШ Конгрессида келишмовчиликларни юзага келтирмоқда. Ядро қуроли тарқатилмаслигининг тарафдорлари ва баъзи демократлар бундай қуролларнинг қўлланилишидан хавфсираган. Бундан ташқари, палатанинг қуролли кучлар бўйича қўмитаси раиси Адам Смит W76-2 нинг молиялштирилишини бекор қилишга эришиш нияти ҳақида маълум қилган, шунинг учун бўлажак қурол катта савол остида қолмоқда.
Изоҳ (0)