Бразилия президенти Жаир Болсонаруга ўтган йили сентябрь ойида амалга оширилган суиқасддан сўнг ўрнатилган колостомик қопни олиб ташлаш бўйича жарроҳлик амалиёти ўтказилди, дея хабар беради «Корреспондент».
«Операция етти соат давом этди ва мураккабликларсиз ўтди», — дейди Бразилия президенти матбуот котиби.
Сан-Паулу шифохонаси шифокорлари президентнинг аҳволини барқарор деб баҳоламоқда. Ҳозир у интенсив терапия бўлимида.
48 соат мобайнида Болсонарунинг вазифасини бажараувчи этиб амалдаги президент ўринбосари Амилтон Моурао тайинланган. Давлат раҳбари бир неча кунни касалхонада ўтказади.
Эслатиб ўтамиз, 2018 йилнинг 5 сентябрида сайлов кампанияси давомида Болсонаруга суиқасд қилинган. Сайловчилар билан учрашувга келган сиёсатчи номаълум эркак томонидан пичоқ билан ярадор қилинган.
Эслатиб ўтамиз, 2018 йилнинг октябрида, Ижтимоий-либерал партияси вакили Жаир Болсонару Бразилияда бўлиб ўтган президентлик сайловларининг иккинчи турида ғалаба қозониб, 55,2% овоз тўплаган. Унинг инаугурация маросими 2019 йилнинг 1 январь куни бўлиб ўтган.
Изоҳ (0)