АҚШда чиройли ва қизиқарли жойлар кўп. Уларнинг баъзилари табиатнинг мўъжизаси бўлса, яна бошқаси инсон қўли билан яратилган. Forum Daily мана шундай расмларни тақдим қилди.
Американинг машҳур ва рамзий жойларини ҳамма билади: Озодлик ҳайкали, Эмпайр-Стейт-Билдинг осмонўпар биноси, Голливуд, Гавайи ороллари, Ниагара шаршараси ва шу кабилар. Американинг ҳар бир штати ва шаҳри ўзига хос диққатга сазовор жойлари ва ёввойи табиати билан мақтанса арзийди.
Ниагара шаршараси
Дунёнинг энг машҳур шаршараси. Ниагара дарёсида жойлашган. Дарё Америка ва Канада чегарасидаги Эри ва Онтарио кўлларини боғлаб туради. Шаршаранинг баландлиги 50 метр атрофида, кенглиги 1200 метр. Сув оқимининг жўшқинлиги Ниагара шаршарасини қизиқарли ва чиройли қилади.
Олтин дарвоза кўприги
АҚШнинг энг машҳур ва чиройли кўприги. Олтин дарвозанинг узунлиги 1280 метр. Айнан шу номли сув ҳавзасидан 67 метр баланд. 1937 йил қурилган.
Гавайи ороллари
Гавайи Американинг 50-штати. Гавайи архипелаг номи экзотик пейзаж расмлар, дам олиш ва Тинч океанининг қумли соҳилларида ажойиб вақт ўтказиш билан боғланади. Кўп сонли меҳмонхоналар, аборигенларнинг кулбаси, маҳаллий полинезиялик қабилаларнинг маданий мероси, тропик жунгли, экзотик мевалар плантацияси, шинам кўрфаз, делфинарий ва аквариумлар сайёҳларни ўзига жалб қилади.
Гавайидаги энг қизиқарли жойлардан бири — Даймонд Ҳед (Олмос бош) вулқон оғзи. У Гонолулунинг яқинида жойлашган. Диаметри 1060 метр, баландлиги 230 метр. Лава қолдиғидаги кристаллар қуёшда ярқирайди. Шунинг учун ҳам XIX асрда инглиз денгизчилари олмос ярқираяпти деб ўйлашган ва унга Олмос бош деб ном беришган. Жаҳон уруши йилларида бу жойдан табиий қалъа сифатида фойдаланилган.
Йеллоустон
Йеллоустон Вайоминг штатида жойлашган. Американинг энг йирик милий паркларидан бири. Кулранг манбадан чиқаётган 200 гейзер бу ерга шуҳрат олиб келган.
Йеллоустоннинг энг чиройли жойларидан бири — Тонгги шуҳрат кўли. Дастлаб унинг суви зангори рангда бўлган. Лекин бу ерга келган сайёҳлар сувга тангалар ва бошқа эсдаликлар ташлагач, сувнинг илиш даражасида баланс йўқолган. Натижада юзасини микроорганизмлар қоплаган ва гайзер сариқ рангга кирган.
Гранд-Каньон
Американинг яна бир гўзал маскани — Аризона штатида жойлашган Гранд-Каньон миллий қўриқхонаси. Кўпгина сайёҳлар унинг устидан вертолётда учиб, экскурсия қилади.
Биллур черков
Калифорниядаги Гарден Гроув шаҳарчаси ўзининг Биллур черкови билан машҳур. У машҳур архитектор Филипп Жонсоннинг лойиҳаси асосида қурилган.
Бу жойни қуриш учун 10 000 шиша панель кетган. Бу черков католиклар томонидан фойдаланилади. Черков атрофидаги ҳудудларда кичик боғлар, фонтанлар, Инжил саҳналарини тасвирловчи ҳайкаллар бор.
МакКерричер миллий паркидаги шиша пляж
Калифорниядаги миллий парк шишали пляжи билан диққатга сазовор. 1949 йилдан 1967 йилгача пляж ҳудуди чиқиндига тўла бўлган. 30 йил ўтиб, чиқиндининг катта қисми олиб ташлангач, океаннинг тўлқинлари синган шишалар уюмини олиб келгач, шиша пляж ҳосил бўлган.
2002 йил МакКерричер парки 154 минг квадрат метр жойдан чиқиндиларни тозалаган ва сайёҳлар учун Шиша пляж номли чиройли жой ташкил қилган.
Ансел Адамс қўриқхонаси
Калифорниянинг Серра-Невада тоғларида жойлашган. Водийдаги 937 квадрат километр жойни эгаллаган. Бу ерда ҳамма нарса бор: музтоғлар, кўллар, муздек кристал сувга бой дарёлар, кичик шаршаралар, ёввойи табиат. Бу ерда ўзига хос ёввойилик ҳам бор — Ирландиядаги Троп гигантларининг аналоги.
Меса-Верде
Американинг миллий тарихий парки Меса Верде Колорадода жойлашган. Бу ерда милоддан аввалги XII асрда анасази ҳиндулари яшаган. Паркнинг ҳудуди 211 квадрат километр. Бу ерда VI асрдан XIII асргача бўлган даврдаги тошдан ва лойдан қилинган уйлар ва каньоннинг нураган деворлари бор.
Изоҳ (0)