Ўзбекситон Президенти Шавкат Мирзиёев 20—24 январь кунлари расмий ташриф билан Германия федератив республикасида бўлди. Ушбу ташриф хорижий ОАВ томонидан кенг ёритилди. Қуйида Ўзбекистон Президентининг Германияга сафари чоғида айрим хорижий ОАВ да эълон қилинган хабарларни эътиборингизга ҳавола этамиз.
Badishe Zeitung немис газетаси: Ўзбекистон мажбурий меҳнат муаммосига барҳам берди
Ўзбекистон Президенти Шавкат Мирзиёевнинг Германияга ташрифи ушбу мамлакат оммавий ахборот воситаларида кучли акс-садо берди. Республика ҳақида кўп немис нашрлари, шу жумладан, Badishe Zeitung газетаси ва унинг сайтида ҳам материаллар чоп этилди. Шу кунларда газета саҳифаларида Ўзбекистонда меҳнат ва аҳолини ижтимоий ҳимоя қилиш соҳасида содир бўлган ижобий ўзгаришлар ҳақида мақола эълон қилинди.
«Узоқ вақт давомида бошқалардан ажралиб қолган Осиё мамлакати Германия ва Европа Иттифоқи билан яқин алоқалар ўрнатишга интилмоқда ва шу сабабли мажбурий меҳнатни бекор қилди», — дейилади Бадише Zeitунғдаги мақолада.
Ўзбекистон Республикаси Бандлик ва меҳнат муносабатлари вазири Шерзод Кудбиев интерю чоғида ишонч билан шуни маълум қилдики, мамлакатда мажбурий меҳнат тугатилди.
—Бунга анча вақт сарфланди, - деб тан олади вазир. - Аммо натижа ўзини оқлади.
Вазир шуни таъкидладики, Ўзбекистоннинг мажбурий меҳнатга чек қўйиш борасида саъй-ҳаракатлари хорижда ҳам акс-садо берди. Халқаро меҳнат ташкилоти маълумотларига кўра, энг юқори натижа бир неча ойлик кузатувлардан сўнг ўтган йилнинг ноябрида қайд этилди. Бундан ташқари, Европа Иттифоқи яқинда аввал ёпиқ бўлган мамлакатдаги ислоҳотлар ривожланишини юқори баҳолади.
Deutsche Welle сайти – туризм маркази бўлган Самарқанд ҳақида
Рус тилидаги Deutsche Welle сайти Ўзбекистоннинг қадимий шаҳри - Самарқанд ҳақидаги видеосюжетни жойлаштирди.
Уч дақиқали ролик бино ва объектларнинг кенг кўламли қурилиши даврида шаҳарнинг тарихий ва маданий ўзига хослигини сақлаш масаласига бағишланган.
Анъаналарми ёки тараққиёт? Тарихми ёки келажак? видеорликдаги энг долзарб масала сифатида айнан шу саволлар тилга олинади.
DW мухбири Юрий Решето сўзларига кўра, йил давомида Самарқанд жадал суръатда қайта қурилмоқда. Бу ерда кўп қаватли турар-жойлар, дўконлар ва меҳмонхоналар қад ростламоқда. Ўзбекистоннинг ҳажми бўйича учинчи шаҳрида бутун дунёдан сайёҳларни оммавий равишда қабул қилиш учун тайёргарлик кўриш баробарида ўз аҳолиси учун ҳам қайта қуриш ишлари давом этмоқда. Бу ерда 16 қаватли уйлар мавзеси қад ростлаши кутилмоқда.
Янги шаҳар қурилишига архитектор Камол Раҳимов бошчилик қилмоқда. Deutsche Welle сайтига берган интервьюсида у шуни қайд этдики, унинг вазифаси Самарқандни ўрта асрларда, шаҳарни кесиб ўтган Буюк Ипак йўли даврида бўлганидек яшил воҳага айлантиришдан иборат.
– Бугунги кунда биз Ўзбекистон Республикаси Президенти топшириғига кўра, Самарқанднинг бош режаси устида иш олиб бормоқдамиз, -деди Камол Раҳимов. - Мамлакатимиз раҳбари тарихимизни тиклаш вазифасини қатъий белгилаб берди.
Аммо эски уйларда истиқомат қилаётган аҳоли Самарқанд City деб мағрур аталувчи замонавий туристик мажмуани қуриш учун ўз уй-жойлари бузилишидан хавфсирамоқда. Лойиҳа танқидчилари, ҳимояланиши зарур бўлган эски шаҳар чегаралари инвесторлар талабига кўра ихтирий равишда ўзгартирилишидан ташвишда.
Бундай хавотирларга жавобан Камол Раҳимов ишонч билан таъкидлайдики, шаҳарнинг бош режаси Самарқанднинг ёдгорлик шаҳри сифатида тикланишини кўзда тутади, бунда шаҳарга туристлар ҳам, аҳоли ҳам очиқ осмон остидаги музей шаҳарга қарагандек қарай олади.
«Novastan.org»: Виза режимининг либераллашуви Ўзбекистоннинг сиёсий йўналиши ўзгараётганини кўрсатади
Шу йилнинг 1 февралидан бошлаб Ўзбекистон 45 мамлакат фуқаролари учун виза режимини бекор қилмоқда. Айни пайтда кириш визалари ўзбек фуқаролари учун ҳам бекор қилинди, бу эса мамлакат виза сиёсатидаги инқилобни англатади. Бу ҳақда Марказий Осиё бўйича ихтисослашган немис нашри - «Novastan.org» хабар бермоқда
Бундан ташқари, шу йилнинг 15 январидан бошлаб Германия фуқаролари учун ҳам визасиз режимбелгиланган.
«Буни Ўзбекистон Республикаси Президенти Шавкат Мирзиёевнинг Берлинга давлат ташрифдан аввалги ўзга хос туҳфа деб аташ мумкин. Худди шу стратегия 2018 йилнинг октябрида Ўзбекистон раҳбарининг Францияга давлат ташрифидан олдин қўлланилган эди», — дейилади хабарда.
«Виза режимининг либераллашуви Ўзбекистоннинг сиёсий йўналиши ўзгараётганини кўрсатади», - деди Гамбург университети политологи Асам Исабаев.
«Сиёсий жиҳатдан ташқари, виза режимининг ушбу тарзда юмшатилиши мамлакат иқтисодиёти учун ҳам қулайдир. Иқтисодий жиҳатдан Ўзбекистон туризм борасида кўп имкониятларга эга, унинг фойдаланилмаган салоҳияти ҳали катта, - дейди Асам Исабаев.
Бунда мақолада таъкидланганидек, мақсадли гуруҳлар сифатида ғарблик сайёҳлар молиявий сабабларга кўра устуворликка эга бўлмоқда.
Изоҳ (0)