Ҳаётга интилаётган бола: Шифокорлар уни яшамайди, дейишганди

Сирдарё вилояти Сайхунобод туманида туғилган Бунёдбек Дўстмуродовга 2018 йилнинг май ойида лейкоз (оққон) ташхиси қўйилган.

Бунёдбек 18 майдан бери Тошкентдаги гематология ва қон қуйиш институти шифохонасида даволаниб келмоқда.

«Ҳозир даволанишнинг 5-курсидамиз. Шу кунга келишнинг ўзи бўлмади. Сотадиган ҳеч нарсамиз қолмади. Дорихонадан олти миллион сўм қарзимиз бор.

Дориларни сотиб олиш учун банкдан кредит олишга мажбур бўлдик. Турмуш ўртоғим ишлаб топгани кредитни ёпишга кетяпти.

Шифокорлар 1-курсдаёқ ўғлимни яшамайди, дейишганди. 3-курсда уч марта миясига қон қуйилди. Яна яшамайди дейишди.

Аллоҳга шукрки, уч кунда жонлантириш бўлимидан чиқди, 20 кундан кейин ўзига келди. Юра бошлади, гапирди.

Болам шунчалик ҳаётга интилаяпти. Лекин бизнинг қўлимиз калталик қиляпти. Дориларга пул тополмай қолдик», — дейди Бунёдбекнинг онаси Дилдора Ҳамраева.

Азиз юртдошлар, Бунёджоннинг соғайиб кетишига имкон қадар ҳисса қўшайлик!

Онаси Дилдора Ҳамраеванинг телефон рақами:

97 414 04 21

Click, Payme: 8600 0609 8107 0270