«Ўзбеккино» Миллий агентлиги тасарруфидаги «Мультипликацион фильмлар студияси» Давлат унитар корхонасига 2019 йил 21 январь куни Жўраев Отабек Алимович директор вазифасини вақтинча бажарувчи этиб тайинланди. Бу ҳақда агентликнинг Facebook’даги саҳифасида хабар берилди.
Маълумот учун: Отабек Жўраев Ўзбекистон давлат санъат институтини тамомлаган. 2009—2012 йиллари А.Ҳидоятов номли маданият уйи драма тўгараги раҳбари, 2013—2015 йилларда General Motors Powertrain Uzbekistan ЁАЖ Логистика департаменти ички логистика бўлими ишчиси, 2015—2017 йиллари «Ўзбектеатр» ижодий-ишлаб чиқариш бирлашмаси Театрлар ижодий фаолиятини мувофиқлаштириш ва шакллантириш бошқармаси бошлиғи ўринбосари, 2017 йилда Ўзбекистон Республикаси Маданият вазирлиги Рэпертуар-таҳририят шўъбаси бош мутахассиси, 2017—2018 йилларда «Ўзбекфильм» акциядорлик жамиятида Оммавий алоқалар менежери, 2018 йилдан ҳозирга вақтга қадар «Ўзбекфильм» Давлат унитар корхонаси Бош директори ёрдамчиси лавозимларида фаолият юритган.
Изоҳ (0)