Германия пойтахти Берлинда бошланган 84-халқаро «Яшил ҳафталик — 2019» кўргазмасида Ўзбекистон стенди намойиш этилмоқда. Бу ҳақда ЎзА хабар берди.
Кўргазмада дунёнинг 70 мамлакатидан 1600 дан ортиқ иштирокчи қатнашмоқда.
Ўзбекистон стенди Ташқи савдо вазирлиги ва «Ўзекспомарказ» миллий кўргазмалар компанияси томонидан тайёрланган.
Ўзбекистон павильонида табиий ва қайта ишланган мева-сабзавотлар, зираворлар, шароб маҳсулотлари, ҳунармандлик буюмлари, шунингдек, миллий таомлар ва сайёҳлик салоҳияти намойиш этилмоқда.
Кўргазма жорий йилнинг 27 январигача давом этади.
Изоҳ (0)