АҚШнинг Коннектикут штатидаги Lego Master Builders’да 18 киши томонидан Silverado’нинг Lego нусхаси йиғилди. У Детройтда бўлиб ўтаётган халқаро автосалонда оммага намойиш этилди, деб ёзади TJournal.
Машина нусхаси 1 300 килограммга яқин, баландлиги 182 сантиметр атрофида, эни 243 сантиметр.
Lego нусха ишчи фараларга эга ва автомобиль оригиналининг кўплаб деталларини аниқ такрорлайди. Конструкцияни йиғиш учун 2 мингга яқин соат ва 334 544 та детал сарфланди.
Silverado нусхаси яқинда экранларга чиқадиган «Lego: Фильм 2» муносабати билан йиғилган.
Lego билан бундай тажриба биринчи марта ўтказилаётгани йўқ. 2018 йилда Bugatti Chiron’нинг тўлиқ ўлчамдаги версияси йиғилган эди. 2017 йилда эса Lego ва Chevrolet компанияси Lego фильмининг биринчи қисми шарафига «Бетмобил»ни йиғган эди.
Изоҳ (0)