Тошкентнинг Уста Ширин ва Аҳмад Дониш кўчалари чорраҳасида 18 январь куни соат тахминан 19:00 да йўл-транспорт ҳодисаси юз берди, дея хабар бермоқда шаҳар ИИББ матбуот хизмати.
Хабар беришларича, 18 ёшли Саидазим Ш. бошқарувида бўлган Cobalt машинаси 24 ёшли Фазлиддинхўжа З. ҳайдаб кетаётган Lacetti билан тўқнашган, Cobalt ағдарилиб кетган.
Ҳодиса оқибатида Cobalt йўловчиси, 41 ёшли Maxтуба А. тан жароҳати олиб, касалхонага ётқизилган. Қайд этишларича, машиналарнинг ҳайдовчилари тан жароҳати олмаган.
«Йўл-транспорт ҳодиса сабаблари олиб борилаётган суриштирув ишлари давомида аниқланади», — дейилади ИИББ ахборотида.
Изоҳ (0)