Банд бўлмаган аҳолини меҳнат бозорида талаб юқори бўлган касбларга (сантехник, электрик ва ҳоказо) ўқитиш Бандлик ва меҳнат муносабатлари вазирлигининг 2019 йилдаги устувор вазифаси этиб белгиланди. Бу «Фаол инвестициялар ва ижтимоий ривожланиш йили» давлат дастурида кўзда тутилган, дея хабар беради «Ҳуқуқий ахборот» канали.
Дастурга мувофиқ, касб-ҳунар коллежлари негизида давлат-хусусий шериклик шартлари асосида банд бўлмаган аҳоли ва ишсиз фуқаролар учун ўқитиш марказлари ташкил этилади.
Бунинг ҳисобига замонавий ўқув ва ишлаб чиқариш технологияларига таянган касбга ўқитишни йўлга қўйиш ва касбий малакани баҳолашни назарда тутувчи касбий малакалар умуммиллий тизимини жорий этишга асосий эътибор қаратилади.
Изоҳ (0)